علق سفيان بن حميدة كرونيكور برنامج في 90 دقيقة على إي أف أم، اليوم الاثنين 30 ماي 2022، على تصريحات عبير موسي رئيسة الحزب الدستوري الحر واستعمالها لهاتف إي أف أم في تصوير بعض من فعاليات التحرك الاحتجاجي لحزبها أمام المحكمة الإدارية أول أمس السبت.

وقال بن حميدة:" بالنسبة ليا ما فماش مفاجأة في اللي كنت نسمع فيه، كل مساندتي للزميلة فاطمة الطرابلسي، كنت نشوف في فيديو لزميلتنا هناء السلطاني كانت تحكي عالخزعبلات متاع عبير موسي أنا ما فما حتى مفاجأة في هذا لأنو عبير موسي ما تبدلتش قعدت نفس الستيل، تتفكروش الستيل متاع الله أحد الله أحد وبن علي ما كيفو حد، راهي عبير موسي قعدت هاذيكا هي، الشو متاعها متاع قماش مهلهل، إذا عبير موسي ما تنجم تكون كان هكا، وزيد شفت الشعارات متاعها شعارات مخيبهم، ماهمش متاع واحد يحب يعمل السياسة وماهمش يقدمو وما يعطيوش معنى سياسي، توة كي تحكي انت قطوس في شكارة ياخي تلعب في الحومة صغار في بعضهم...عبير تعمل الشو لكن الشو متاعها هي اللي تعلمتو من أصلها متاع التجمع، مش أنا ما يعجبنيش، أنا نحكي في السياسة، تعمل في الكوميديا مش في السياسة، السياسة أكثر جدية من هكا"...