وقال بن حميدة:" موش صحيح برشا إنو العباد الكل بش تهد على الصيدليات، هذا انطباع، العباد اللي ينجموا اللي عندهم واللي امكانياتهم حتى كي يتغصروا ينجموا يشريوا مخزون هاذوكم بش يعملوها أما أغلبية التوانسة الزواولة الشهر بشهر وساعة ساعة ما يشريش دواء خاطر ما عندوش حقو، هاذوكم وضعيتهم بش تزيد سوءا لو تواصلت الوضعية هاذي، راهو اللي صاير في حكاية الدواء، راهي جريمة بكل المقاييس، راهو ما عناش الحق بش الدواء يتقص على المرضى، هذا مش أزمة الصيدلية المركزية، أزمة تونس، أزمة منطق ولينا نستهتروا بكل شي حتى بحياة التوانسة، لأنو استانسنا يتقص البترول والسكر والسميد مش مشكل، توة ولا يتقص الدواء وغدويكا إذا نطبعوا مع الوضعية هاذي رانا بش ندخلو في قانون الغاب، فما دولة ولا ما فماش، عندها مسؤوليات أساسية تجاه مواطنيها وإلا لا، مالمسؤوليات الأساسية هي الصحة والتعليم والنقل التلاثة قطاعات هاذم فيهم مشكلة اليوم".
Address: Immeuble Louati 4e étage Lot 6.5.9
Les Jardins du Lac - Tunis - Tunisie
Tél: +216 70 016 020
E-Mail: contact@ifm.tn