اعتبر سفيان بن حميدة كرونيكور برنامج في 90 دقيقة على إي اف أم، اليوم الاثنين 28 نوفمبر 2022، أن إصدار أمين محفوظ لكتاب للإعلام عن قطيعته مع رئيس الجمهورية قيس سعيد يعتبر موقفا شجاعا، وينبه من خطر دكتاتورية حقيقية.

وقال بن حميدة:" أمين محفوظ انجمو نعتبروا أنو بحسابات كيما تقول انت حب يتحايل، التحايل المتبادل مع رئيس الجمهورية هو والعميد بن عيسى والعميد بلعيد، انجم نقلك أكثر من هكا أنو بانتهازية تقرب من رئيس الجمهورية، لكن أنا أعتقد وهذا ما انجموش نخبيوه، فما شجاعة كبيرة أنك مش تتكلم أنك تكتب وتقول اللي أنا قطعت مع رئيس الجمهورية للأسباب هاذي، الشجاعة هاذي يلزم واحد يأكد عليها.. هاذي قراءتو للواقع في علاقة بقيس سعيد اللي هو قربلو أكثر من غيرو في فترة معينة، المشكل مش لنا، المشكل هو أنو الرأي هذا رأي شجاع، وتنبيه يلزم ناخذوه باحترام ونعطيوه قيمتو، نبه إلى خطر دكتاتورية حقيقية تنجم تصير.. نقلك تنبيه علاش لأنو قناعتي لليوم لغدوة أنو مش كيما يقولو المصاورة الفاس طاحت في الراس، مازالت إمكانيات التصحيح للأوضاع، سواء بقيس سعيد أو بدونه، الدستور أهميتو مش فيه، في نظام الحكم وآلياتو، فلذا إمكانية إصلاح مازالت ممكنة وبش تبقا ممكنة في أي لحظة من اللحظات، ولهذا، نعتبر الأمر تنبيه، كيفاش بش نستثمروا هذا، هذا المشكل اللي يقلقني أنو اليوم العباد تعمل كي العادة في تونس تقييم خارق للعادة لكن وصفات للعلاج إما تلقاها ياسر متناقضة بين بعضها وإلا ما فماش بالكل"...