قدم سفيان بن حميدة كرونيكور برنامج في 90 دقيقة على إي أف أم، اليوم الاثنين 25 أفريل 2022، قراءة في التدوينة التي نشرتها مديرة الديوان الرئاسي السابقة نادية عكاشة.

وقال بن حميدة:" لا شرف ولا دين كي تلفهم وتنحي الـ'' لا '' تاو تلقى شرف الدين، معناها من غير ما نمشيو لبرشا ثنايا، واضح جدا إنها تواصل في عركتها اللي سمعنا بيها من قبل ما بينها وما بين وزير الداخلية توفيق شرف الدين، المشكل وين، من حقك يكون عندك عركة وأنك تعملها.. أما التشويه القانوني، لأنها هي تحب تعمل عركة أولا عن طريق الأنترنت، عن طريق الفايسبوك مش عركة مباشرة، ثانيا تعمل في عركة وتخمم في أنها تسوي وضعيتها مع القضاء في حالة تتقدم بيها قضية، في اللخر بالكل اللي يحب يعمل السياسة إما عندو السياسة اللازمة، ونادية عكاشة ما ورات حتى غرام متاع شجاعة في الكلام اللي قالتو، فإما تقول اللي عندك بكل وضوح في الشفافية التامة وإلا تواصل الصمت كيما اعتادت على ذلك، أما هذا تحب تعمل عركة عن طريق غيرها وتحمي ظهرها في حالة العود عليها بقضية، فهذا مش لايق وما هوش من الأخلاق السياسية".