علق سفيان بن حميدة كرونيكور برنامج في 90 دقيقة على إي أف أم اليوم الاثنين 11 أفريل 2022، على الحوار الذي دار بين رئيس الجمهورية قيس سعيد والفريق الحبيب ضيف مدير عام وكالة الاستخبارات والأمن للدفاع، خلال إشراف الرئيس على موكب إحياء الذكرى 84 لعيد الشهداء بروضة الشهداء بالسيجومي أول أمس السبت 9 أفريل 2022.

وقال سفيان، :" المرة هاذي قررت رئاسة الجمهورية انو تعدي الصوت، شنوة الغاية، تقلي انت حاجة تقشعر البدن وحاجة خشينة ياسر الرمزية هاذي في هذه الذكرى المهمة جدا للتوانسة، حاجة خارقة للعادة، وأنو الجيش التونسي مش كان العميد هذا، كل العمداء اللي حكا معاهم كانت عندهم مواقف متشابهة ومتوافقة ومتلازمة وما فيهاش خلاف ووجوه أخرى فيما يتعلق بالتشبث بالوطن... فيما يتعلق بالجيش الوطني راهو ما فماش حتى إمكانية ندخلو ما بيناتهم شعرة.. أنا ما نحبش تكون أنو هاذي حاجة استثنائية، الاستثنائي رئاسة الجمهورية حبت تعديها بالصوت... حبيت التوانسة يفهموا أنو راهو مش موقف جديد متاع الجيش، ورئاسة الجمهورية قررت المرة هاذي أنو توضحو أكثر للتوانسة"...
وتابع بن حميدة قائلا:" الجيش الوطني كان ديما متمسك بالوطن وديما يعتبر أنو لا عاش في تونس من خانها، راهو الجديد مش أنو يقول الموقف هذاكا، هذاكا موقف الجيش متاعنا، أنا كي كنت صغير 3 سنين عديتهم في الجيش، فما عقيدة عسكرية اللي تتطبع في الجلد وفي العظم ما عادش تتنحا، راهو العلم عندو معنى آخر عند الجيش، راهي تحية العلم حاجة، كبيرة ياسرّ".