علق سفيان بن حميدة كرونيكور برنامج في 90 دقيقة على إي أف أم، اليوم الجمعة 4 نوفمبر 2022، على تصريح الناطق الرسمي باسم الحكومة الذي نفى فيه نية التفويت في المؤسسات العمومية.

وقال بن حميدة:" الساعة قبل كل شي كي واحد يسمع تصريح كيما هكة يقول لا إله إلا الله وحده لا شريك له، لأنو بش يهبلونا، توة شكون نصدقوا الناطق الرسمي باسم الحكومة، اللي هي قاعد يعاود في برنامج الاتحاد العام التونسي للشغل اللي يحكيو عليه عندهم عامين واللي الحكومة نفختوا، عندك الجمعة اللي فاتت وزير الاقتصاد سي سعيد، قال أي شبيه كان نفوتوا في المؤسسات العمومية قال أنو مؤسسات كيما الستاغ، هاذيكا المؤسسات السيادية اللي يلزمها تبقى عمومية أي ندخلو فيها رأس المال الخاص، إي باهي وزيد عليهم مالجهة الأخرى، تصريح رئيسة صندوق النقد آش نعملو فيه اللي قالت راهو الحكومة التونسية هي اللي جاتنا قالتلنا رانا بش نفوتوا في مؤسسات هذاكا آش نعملو فيه، ياخي شكون نصدقوا ياخي هاذم حكومة وإلا حوم كل حومة ماخذة لقشة مالبلاد؟"...