علق سفيان بن حميدة كرونيكور برنامج في 90 دقيقة على إي أف أم، اليوم الأربعاء 8 مارس 2023، على تصريحات رئيس حركة النهضة راشد الغنوشي في الحوار الذي أجراه معه موقع كشف ميديا.

وقال بن حميدة:" فما الخيط الرابط بين كل ما قبل في هذا الحوار هو أنو النهضة ما عندها حتى مسؤولية، هي ضحية ما غلطتش، غلطو ضدها، واليوم هي تعاني من دكتاتورية قيس سعيد، طيب طيب، لكن يفسرلنا علاش الشعب التونسي الكل اليوم ضد حركة النهضة، علاش حركة النهضة التوانسة ناداو بخروجها من الحكم، علاش راشد الغنوشي هو في ذاته يعتبر الشخصية الأكثر عدم مقبولية من طرف الشعب التونسي، علاش عندو أكثر من 100 قيادي في الحزب متاعو، خرجو بيان وانسلخو عليه... المساندة للحركة الإسلامية متواصلة ولكن ليس بنفس الدرجة لأنو اليوم الواقع تبدل وهذه الدول، صحيح هو قالها كلمة صحيحة، قطر وتركيا يخدموا مصالحهم قبل كل شي وحركة النهضة بالنسبة ليهم هي مجرد كومبارس، هي ورقة مالأوراق اللي في يدها بش تضغط بيهم وهوما يعرفوه هذايا، معناها كي انت ماهيش ولية أمرك قطر وتركيا، تتفكروا راهو حاجة صارت عام 2019 مش بعيد برشا شي يرعب، ترشح راشد الغنوشي لرئاسة البرلمان، أول حاجة وفي أقل من 24 ساعة وين مشى، مشى لتركيا، بش يوريك مستوى التبعية اللي عندهم، وطبيعي جدا، الحركة الإسلامية باعتبارها حركة إخوانية ما عندهاش انتماء للوطن، الانتماء متاعها للجماعة".