انتقد سفيان بن حميدة كرونيكور برنامج في 90 دقيقة على إي أف أم، اليوم الاثنين 20 مارس 2023، ما اعتبره انتقاصا من قيمة حدث الاحتفال بذكرى عيد الاستقلال، في التظاهرة التي نظمها الحزب الدستوري الحر بقصر المؤتمرات بتونس العاصمة.

وقال بن حميدة:" نرجعو للحفلة متاع عبير موسي للأسف هو أنو هابي بيرث داي تو تونس، هكايا نحتفلو بيه عيد الاستقلال، التشليك للمواقف والمناسبات الكبرى، نقلها عيب عليها، معناها ما تنجمش تتحمل حتى في 20 مارس، موقف ماهوش كاراكوزي على شاكلتها، وأعيد كلمة كاراكوزي لأنو يبدو أنو قلقت بعض الناس اللي حولها والمتملقين لعبير موسي بما فيهم بعض المخبرين اللي نعرفهم من سنوات طويلة.. لا مانيش ضد الاحتفال، أنا ضد الاحتفال المبتذل، وهذه طريقة مبتذلة للاحتفال بحدث عندو قيمة عميقة في وجدان التونسيين وتاريخهم"...