أكد سفيان بن حميدة كرونيكور برنامج في 90 دقيقة على إي أف أم، اليوم الجمعة 10 مارس 2023، أن الانتماءات الحزبية للنواب الجدد دليل على فشل فكرة قيام حياة سياسية خارج الأحزاب.

وقال بن حميدة:" الانتماءات الحزبية للنواب الجدد دليل على فشل فكرة قيام حياة سياسية خارج الأحزاب نحبو ولا نكرهو، زيد عليها أنو هاذوكم اللي طلعوا، طلعوا في انتخابات ما عندها حتى علاقة بالديمقراطية، انتخابات ضيقت على المشاركة الشعبية، وشاركوا فيها 11 بالميا من الجسم الانتخابي، انتخابات ممكن عندها شرعية أما في كل الحالات ما عندها حتى مشروعية، عطات نحبو ولا نكرهو، تأخذ الاحتياطات اللي تحب عليهم، أما ديما فما واقع يتفرض عليك، الواقع أنو الأحزاب الصحيحة تقعد ديما ما تنجمش تتجاوزها لأنها تمثل أفكار، وتمثل توجه فكري وسوسيولوجي في المجتمع وهذاكا علاش مش غريب بالكل، أنو نلقاو هوما مش نداء تونس لأنهم انتماو لنداء تونس، لا هوما في العام دساترة، كيما فما القوميين تسميهم من حركة الشعب ولا التيار الشعبي ولا تسميهم جماعة لينتصر الشعب، هاذوما الكلهم من القوميين، وفما زادة المحافظين المتدينين اللي تلقاهم في التقسيمات الأخرى الكل، هاذوما فيهم جماعة تابعين النهضة، ماهمش برشا لأنو النهضة ماكلة ضربة قوية ياسر توة، لكن فيهم جماعة برشا من مناصري قيس سعيد وتلقاهم في الدساترة وفي القوميين... نهار الاثنين الجاي تاو تشوفو نتيجة للي كنت نحكي فيه الكل، راهم الكلهم بش يقولو أحنا مع قيس سعيد، لكن يحق فيهم القول، تحسبهم جمعا وقلوبهم شتى، لأنهم في الأصل مختلفين، سياسيا توة تحسبهم جمعا، توة نشوفوا في الممارسة"...