أكد المحامي والسياسي سمير ديلو اليوم الأربعاء 23 فيفري 2022، أن ما يعيشه القيادي في حركة النهضة النائب في البرلمان المجدة أعماله نور الدين البحيري اليوم أخطر من الإقامة الجبرية السياسية.

وقال ديلو:" ما فماش إقامة جبرية أصلا، نور الدين البحيري أصلا ولهنا ما عادش مسؤولية وزير الداخلية برك ولات مسؤولية السيد وزير الصحة مش عارف كيفاش يقبل حاجة كيما هكة، موجود في قسم الإنعاش في مستشفى الحبيب بوقطفة وحاليا لا يتلقى أي رعاية طبية مش لتقصير من الأطباء اللي ما فصروش حتى طرف.. كانوا يعطيوه فيه فقط في السيروم، يدوز ما عادش تتحمل السيروم لطول المدة، خافو من التعفن كي يحطولو في ساقو، قالهم حاليا علاش مخليني لهنا، حاليا نور الدين البحيري يشرب الماء فقط في سبيطار و4 فروشة، في واقع اللي الناس تستحق كوفيد وكذا، معناها 4 أسرة في جناح الإنعاش ماشية حرام، واحد فيه الأستاذ البحيري و3 فارغين ويلزم تجاوب لوزارة الصحة.. بعثنا عدل منفذ لوزارة الصحة هذا ما شهدناشي قبل، إذا شخص يمثل خطر خايف لا يرتكب جريمة حطو في دارو وعس عليه علاش تخطف فيه مالشارع، وإذا عندو قضية تستوجب تتبع ماهو السيد رئيس الجمهورية قال ما فما حد فوق القانون، نور الدين البحيري مش في القانون تفضل عديه على القضاء"...