استغرب طارق الكحلاوي كرونيكور برنامج في 90 دقيقة على إي أف أم، اليوم الاثنين 21 مارس 2022، عودة رئيس الجمهورية للحديث عن نظرية المؤامرة في علاقة بضعف المشاركة في الاستشارة الوطنيية.

وأضاف الكحلاوي أن الرئيس وعلى الرغم من اعتباره أن الاستشارة نجحت حتى بمشاركة أكثر من 500 ألف شخص، إلا أنه اتهم أجهزة الدولة باعتقال مناصيريه أثناء القيام بحملة للترويج لها، قائلا:" نوليوشي توة ندعيوا لمناصرة حقوق مناصري الرئيس في العمل السياسي وحرية الرأي تو هذا كلام.. أو 212، الأسبوع الفارط كنت في دولة شقيقة المغرب، 212 هو الرمز الدولي متاع المغرب، أنا شكيت في روحي قلت يطلعش يقصد إنسان في حكاية 212.. البارح أنا قاعد نسمع نقول يا رسول الله الرئيس إلى حد الآن الرئيس ومصر اللي هي ناجحة، علاش تقول في الشي هذا الكل إذا كان هي ناجحة، علاش تقول اللي صار هذا الكل والتعطيل إذا كان هي ناجحة.. الملاحظة الأولى، الاستشارة لم تكن في مستوى آمال الرئيس العدد اللي صار، وهذاكا علاش عمل المقدمة هاذيكا والإطار هذاكا واعتقال مناصريه ضربة وحدة، إذا هنا فما إشكال، ال513 ألف عدد مخيب للآمال لكن لهنا يلزم التدقيق، الناس في المقابل في الشيرة اللخرى اللي تقلك هذا حتى القاعدة الانتخابية لخرى ما صوتتلوش، الاستشارة ليست انتخابات، اذا كان تتعمل الانتخابات الرئاسية في اللحظة هاذي، قيس سعيد يهزها مالدور اللول يلزم نميزوا بين الزوز حاجات"...