علق طارق الكحلاوي كرونيكور برنامج في 90 دقيقة على إي أف أم، اليوم الاثنين 30 ماي 2022، على استعمال رئيسة الحزب الدستوري الحر عبير موسي لهاتف مبعوثة إي أف أم، لتصوير التحرك الاحتجاجي لحزبها أمام المحكمة الإدارية يوم السبت الماضي.

وقال الكحلاوي:" عبير فكت التاليفون لمبعوثة إي أف أم، مش تاليفون قاعدة في الشارع وقالتلها أعطيني التاليفون حاشتي تقصت عليا، التاليفون تخدم بيه قاعدة تعدي بيه في بث لمصلحة إذاعة، خ
متها، فكتلها التاليفون وقالت هات خليني أنا نصور، أولا لاباس الخط التحريري انك انت بيدك تولي تصور لإي أف أم، نحطوش عبير موسي مراسلة هي بيدها تولي تصورلنا الاجتماعات بش يولي الخط التحريري لاباس معنتاها هذا شتحب هي بش يولي الخط التحريري لاباس... انت عندك مشاكل وكذا وينجم يكون فما شكون معاك معادش معاك وفما شكون كان داعمك ما عادش داعمك لأسباب أنو بعد 25 جويلية فما جزء مالقاعدة الانتخابية مشات هكايا أما هذاكا وجهة نظر كيما تلقاها في إي أف أم تلقاها في غيرها، في إي أف أم، فما وجهات نظر أخرى، تنجم تقلك اللي صار في 25 جويلية حتى انقلاب تنجم تقلك اللي صار في 25 جويلية فيه وعليه أما انت ما ترضى علينا كان ما تفك التاليفون تولي المراسلة متاع إي أف أم، لاباس، في اللخر الحمض النووي هو اللي يغلب هو انو الاعلام بالنسبة ليها لا حرية لا حتى شي لازم هي تصور والناس الكل تمشي في الخط التحريري متاعها هي، ما تعلمت حتى شي بعد الثورة".