أكد طارق الكحلاوي كرونيكور برنامج في 90 دقيقة على إي أف أم، اليوم الأربعاء 27 أفريل 2022، أن العلاقات القلق العميق للولايات المتحدة الأمريكية تجاه الوضع في تونس مجرد رد فعل غير جدي، وهو تسجيل موقف تجاه ما يحصل.

وقال الكحلاوي في المقابل: في العمق فما توافق، يعني العلاقات في الجديات قائمة الذات، البارح أنا جبدت على خبر جاوبونا وزارة الدفاع بعد سويعة من زمان، قلنا تونس شاركت في اجتماع دعت إليه الولايات المتحدة، حول الحرب الروسية في أوكرانيا جابت من دول الناتو ومن دول غير الناتو ومنها تونس وكان وزير دفاعنا البارح مقابلو بالضبط وزير الدفاع الإسرائيلي، حضرت تونس في الاجتماع هذا وحضرت من المنطقة العربية كان الأردن والمغرب حتى مصر ما حضرتش والجزائر كي العادة ما تحضرش في لقاءات فيها إسرائيل، يعني انت عندك اللغة الدبلوماسية الجانب الشكلاني لكن في العمق العلاقات ماهياش في قطيعة بين الولايات المتحدة وتونس في الأمور الجيو سياسية الرئيسية فما كي العادة التقارب التقليدي وقيس سعيد اللي قال عندو مشكل جوهري مع موضوع التطبيع في النهائية وزير الدفاع اللي يمثلو حاضر في الاجتماع متاع البارح وما سمعتش تعليق من الرئاسة إلى حد الآن"...