علق طارق الكحلاوي كرونيكور برنامج في 90 دقيقة على إي أف أم، اليوم الجمعة 12 أوت 2022، على اللقاء الذي جمع أمس وزيرة المالية سهام بوغديري نمصية بالخبير لدى صندوق النقد الدّولي المختصّ في السياسات الجبائيّة.

وقال الكحلاوي:" أحد المحاور الكبرى في محاور الإصلاحات المنظومة الجبائية... الخبر أنو المفاوضات الرسمية جارية ومتقدمة وقاعدة تتخصص في محاور محددة من الناحية الفنية وهذا يعني ان المسألة بدات تولي جدية أكثر فأكثر مسألة أفق إمكانية اتفاق مع صندوق النقد الدولي... هنا في مسألة الجباية فما أكثر من تصور... باهي تقدم المفاوضات وإمكانية حصول اتفاق... الى حد الآن الشعب التونسي لا يعلم تفاصيل برنامج الإصلاحات، يعني ممكن يعرفو السيد هذا باتريك بيتي ممثل صندوق النقد الدولي وأصلا ممكن يدخلو في التفاصيل وهاذي تجي وهاذي ما تجيش وهاذي في راينا ما تتوافقش، وبرا لوجلي على مفهوم العدالة الجبائية كيف ما يفهمو صندوق النقد وكيف ما تتوافق معاه مصالحنا نحنا خاطر هذا مفهوم كبير شنوة معناها، خاطر جبدت هي في البلاغ إي شنوة معناها كيفاش، هاو الاتحاد العام التونسي للشغل عندو تصور شنوة معناها الجباية تكون أكثر عدلا، والرئيس ما نعرفش شنوة تصوور لجباية أكثر عدلا ما فماش حوار على هذا، خاطر الجباية تهم شنوة يقعد مالشهرية تهم المقدرة الشرائية خاطر الجباية في آخر الأمر قداش يتقصلك في آخر الشهر، إذا عندها تأثير مباشر على حياتنا اليومية ورغم هذا ما عليهاش حوار في البلاد".