اعتبر طارق الكحلاوي كرونيكور برنامج في 90 دقيقة، اليوم الخميس 5 جانفي 2023، أن الدور الثاني للانتخابات التشريعية معطل سياسيا، وأن رئيس الجمهورية يحوم حول القضية الرئيسية ويرفض الاعتراف والإقرار بالفشل السياسي الحاصل في الدور الأول من الانتخابات التشريعية.

وقال الكحلاوي:" الدور الأول شاركوا فيه 11 بالميا ومعروف في العالم الكل المشاركة في الدور الثاني تكون أقل... سياسيا معطلة، مقبولة الانتخابات التشريعية بين التوانسة، كانت واضحة الرسالة، يعني الناس ما مشاتش نخبت على خاطر عطاوها أموال بش تقعد في الدار، هاذي القضية الرئيسية، الرئيس قاعد يحوم حول المشكل وما يحبش يقر ويعترف اللي صار فشل سياسي في الانتخابات التشريعية من خلال العدد الضعيف بل المقاطعة عمليا للدور الأول متاع الانتخابات، الدور الثاني ما يحتاج حتى شي بش يعطلو هو معطل بطبيعتو، خلقي معطل، لأنو ما فماش مقبولية للانتخابات هنا المشكل".. 
كما وجه كرونيكور البرنامج رسالة إلى المسؤول عن صفحة رئاسة الجمهورية على موقع التواصل الاجتماعي الفايسبوك، وهذا فحواها:" بالله رسالة للأدمين متاع صفحة رئيس الجمهورية، بالله شنية الحكاية، وقتاش يبدى ينشر فيهم الحداش ونص، نص الليل وفي جرت بعضهم يعني وقتاش تصير الاجتماعات هاذيا بالضبط، تصير امخر، شنوة الهدف الاتصالي من 3 ولا 4 بلاغات يهبطو في جرت بعضهم مالحداش ونص لنص الليل ونص في خطاب خطير"...