اعتبر طارق الكحلاوي كرونيكور برنامج في 90 دقيقة على إي أف أم، اليوم الجمعة 20 ماي 2022، أن رئيس الجمهورية لا يرغب في مربع في علاقة بالحوار الوطني بل يرغب في مثلث باعتبار المسافة أكثر ضيقا فيه.

وقال الكحلاوي:" ما يحبش على مربع يحب على مثلث كيفاش يرى على الأقل الاتحاد، بمعنى عرفت الدار ضيقة هاذيكا هيا، بالنسبة للاتحاد الإطار متاع الحوار اللي يرى فيه ضيق جدا، الفجوة متاع إمكانية الاقتراح ضيقة جدا... خاطر الحوار من أجل زوز مسائل عامة كبيرة أساسية في المدة القادمة، المسار العام متاع خارطة الطريق الدستورية والانتخابات القادمة شنوة شكل الدستور كيفاش الاستفتاء وقتاش، الاتحاد ماشي حتى في اتجاه أيا وقتاش خاصة كي يسمع هيئة الانتخابات داخلها نقاش حول إمكانية التأجيل على أسس فنية الاتحاد بش يحاول يطرح ويقلك أي حتى التواريخ خلي نحطوهم عالطاولة، إذا هذا واضح الرئيس قاعد يقلهم لا ما فماش حاجة واسعة راهو الحاجة ضيقة برشا وماتنجمش تتحرك برشا في الحوار اللي بش نقترحوه وعندك جمعتين من زمان كان كثرت عندك تقترحلي لهنا هاو الاطار هاي الاستشارة شعطاتك هاو التواريخ لهنا محصور، إذا فما إشكالية واضحة ما نغطيوش عين الشمس بالغربال، ما نحكيوش على نوايا قيس سعيد من عدم نواياه فما إشكال حقيقي قائم اللي طرف أساسي كيف الاتحاد العام التونسي للشغل يرى في مشكل في الدخول لهالدويرة الضيقة اللي اسمها الحوار اللي عاملها قيس سعيد لأنو يرى ما عندوش إمكانية متاع مناورة واقتراحات خارجها...".