علق طارق الكحلاوي كرونيكور برنامج في 90 دقيقة على إي أف أم، اليوم الأربعاء 28 ديسمبر 2022، مشروع علف الذرة الذي عرضه أحد المستثمرين على رئيس الجمهورية قيس سعيد.

وقال الكحلاوي:" الرئيس حاول يفكر خارج الصندوق باهي، أنو عنا العلف متاع العادة اللي عنا 3 شركات كبيرة هي تستوردو أيا نشوفو إمكانية علف يتعمل فيسع ويتريقل، وانجمو نحلو بيه جزء مالمشكل ونزرعوه في تونس، باهي التفكير خارج الصندوق، عنا مشكلة رئيسية مشكلة الحليب والبقر إلى آخره، نجيبو علف يبدللنا على الأقل مارشي العلف ويحل أبواب قدام الفلاحة، للأسف فما مشكلة، فما زوز أنواع، العلف الذرة، القطانيا فما علف يخرج منها يلزمو برشا برشا ماء، وتوة نحنا ما تحت خط الفقر المائي.. إذا كان يلزمنا حلول بديلة يلزمها تكون حلول تمشي مع المناخ متاعنا..  مش هذاكا الخيار الاستراتيجي اللي تمشي فيه خاطر عنا مشكلة متاع ما، في المقابل كان الرئيس يسأل الفلاحة ولا الباحثين متاعنا في معاهد البحث المختلفة اللي تابعين وزارة الفلاحة، اللي هي من أكبر الوزارات في اللوجستيك وقداش كراهب وكذا، كان يسألهم تاو يقولولو بكل بساطة، الفول وحدة مالحاجات اللي تتماشى مع المناخ متاعنا وتنجم تكون علف وبروتيين، وساهلة، يعني باهي نفكروا خارج الصندوق، لكن أنا نخاف الرئيس يحكي على اللوبيات نخاف زادة ربما الاقتراحات اللي تجيه تكون متأثرة بجو متاع بيزنس معين، نخاف من هذاكا، نكملوا نفكروا خارج الصندوق، شفت السياسة ما عندها حتى معنى خنفكروا في القضايا هاذيا، الفقر المائي العلف، شنوة البدائل اللي بالحق انجموا نخمموا فيهم استراتيجيا بش نخرجوا مالخنقة متاع المديونية هاذيا".