علق طارق الكحلاوي كرونيكور برنامج في 90 دقيقة على إي اف أم، اليوم الاثنين 2 جانفي 2023، على خطاب رئيس الجمهورية بمناسبة حلول السنة الإدارية الجديدة.

وقال الكحلاوي:" لقيت الوقت وسمعتو وتفاجأت مفاجأة جيدة، كتبت وقلت حاجة غير عادية الكلمة اللي عملها، المفروض هذا يكون العادي، أنو رئيس الجمهورية حتى كي يبدا في عركة هو شخص نوعا ما الشخص اللي يترأس العايلة، عندو واجب متاع الطمأنة، مش بالضرورة يركز عالسلبي، وهذاكا علاش فما أمن قومي وحاجات سرية ومش بالضرورة كل شي يتقال، فما سياسة في التواصل والرئيس كاينو ولى جزء منو التواصل متاعو يكون في إطار العرك مش الطمأنة، اختار راس العام وأخيرا يقوم بخطاب، ذكرني بكلمة عملها في اجتماع، وقتلي تحرق مقر حركة النهضة، فيه نفس عناصر الخطاب هذا تونس تتسع للجميع، يظهرلي اللي صار أنو خطاب 28 ديسمبر حتى الناس أقرب أقرب أقرب المقربين لقيس سعيد، ربما نتصور قالولو راهو خطاب ياسر حاد، وفيه نوعا ما عدوانية اللي تعدي، يكفي الناس آخر العام الأسعار كذا كل شي كذا، وتزيد فوقها خطاب كيف هكا حتى كان عندك عركة مش مناسب"...