اعتبر طارق الكحلاوي كرونيكور برنامج في 90 دقيقة على إي أف أم، اليوم الجمعة 24 فيفري 2023، أن قضية التآمر على أمن الدولة ستبدأ الآن فعليا، لا سيما بعد أن تمت إحالة الملف على أنظار قىاضي التحقيق.

وقال الكحلاوي:" الأهم إنو تم الإحالة على قاضي التحقيق بالنسبة لملف التآمر على أمن الدولة وفا التمديد متاع آجال الاحتفاظ، بش تبدا فما القضية...إلى حد هذه اللحظة منذ تمت الإيقافات ما عناش تصريح النيابة العمومية، توة وقت حتى كان قبل احتفاظ واستماع توة مالمفروض يقع الإعلان على مضمون الملف حتى اتجاهات عامة، أنا حاجة اللي سمعتها اللي ما فماش كان شخصيات تونسية ربما فما شخصيات أجنبية في الملف، شنوة الرابط بيناتهم، شنوة فيه الملف، هل فيه تصنت وإلا لا مازال مش واضح...جاء الوقت من مدة أنو النيابة العمومية تتحدث، والناس اللي تتهم الإعلام تقلهم شبيكم تحكيو مع المحامين، إي مالا شنوة تحب، إذا كان ما فما كان المحامين مستعدين يحكيو، والنيابة العمومية رافضة ومتمسكة بالرفض أنها ما تحكيش، ومواصلة في الشي هذايا، فأنو طبيعي الناس بش تسمع على الأقل على طرف، انت مغيب نفسك كطرف متاع نيابة عمومية تنجم تتحدث وتفسرلنا شنوة قاعد صاير في الملف هذا".