علق طارق الكحلاوي كرونيكو برنامج في 90 دقيقة على إي أف أم، اليوم الخميس 9 فيفري 2023، على المعطيات الجديدة التي كشفتها هيئة الدفاع في ملف الشهيدين شكري بلعيد ومحمد البراهمي.

وقال الكحلاوي:" فما معطيات في الملف تحصلو عليها هيئة الشهيدين رغم أنو بعضها تم سرقتو م المحكمة، مالحاجات اللي صارت أنو عدد مالسيديات اللي كشفو عن جزء منها البارح تسرقو مالمحكمة، أهم حاجة أنو تلقاو سيديات يتبعو لإين مدرب الزمثتال المشهور، الورغي، اللي كان في فريق الحراسة متاع راشد الغنوشي، عبد الإجلال اسمو، في الفيديوات متاعو فيهم، اللي كان فما مركز تدريب، مصور فيه هو والقضقاضي في مرطظ تدريب بكلاشنكوف، مش زمقتال، هاذي تدريبات على تفكيك وتركيب أسلحة منهم كلاشنيكوف، هاذي الإفادات متاعو ابن الورغي حسب المحاضر، يقول فيها المركز هذا صار في قبلي داخل تونس، مش مراكز التدريب اللي كان موجود فيهم الرويسي والقضقاضي في ليبيا، هاذوما داخل تونس، أنا نراه معطى مهم جدا، كان في قبلي حسب الافادات متاعو هو، وأنو هذايا يوري اللي فما علاقة مباشرة بين الشخص هذا القريب جدا الموجود في فريق حراسة رئيس حركة النهضة والمتهم الأول في عملية الاغتيالات، العلاقة الأخرى اللي تم الحديث عليها هو اتصالات بين أحد عناصر الحراسة أيضا في الحراسة الشخصية اسمو كمال البدوي بعناصر أخرى داخل أنصار الشريعة، وعناصر موجودة في ملف الاغتيال، النقطة الثالثة والشخص الثالث المركزي والمهم هو أبو مهند، هو كان الإمام، ورئيس اللجنة الشرعية داخل أنصار الشريعة وكان المقر متاعو أساسا جامع الرحمة متاع حي الخضراء وين تم اتخاذ قرار الاغتيال في الغرفة الخلفية متاع الجامع... مهم جدا شكري أبو مهند هو عنصر مركزي يربط ما يسمى الذراع الأمني العسكري لأنصار الشرعية والقيادة المعروفة أو السياسية، ويبدو صار اجتماع في جامع ديبوزفيل، الجامع علاش مهم لأنو من أكثر المجموعات عنفا اللي هوما اغتالو أحد الأمنيين محافظ الشرطة وقتها في جبل الجلود وكانوا يقوموا حتى بعمليات تفعيل ما يعتبروه أحكام وحدود في الأحياء متاعهم، نعرف أنا بعض المتساكنين فيهم شكون عندو مكتبة في وسط البلاد، عملولو عمليا محكمة في الحومة لأنو يبيع في كتب وكذا وكتب علمانية إلى آخره، موضوع ديبوزفيل هذاكا حاجة وحدو اللي هو تحس كان فما مبادرة نحو العنف وقع تنظيمها وتأطيرها في إطار الذراع الأمني والعسكري متاع أنصار الشريعة، إذن لهنا التفاصيل علاش شكري أبو مهند شخصية مهمة لأنو بخلاف أنو موجود في محور التقاطعات هاذيا، فإنو رغم اللي تحط الدوسي متاعو قدام القاضي متاع المكتب 13 البشير العكرمي إلا أنو تم استدعارو كشاهد لم يتم استدعارو كشخص ينجم يكون مورط في الأشياء هاذيا ثم خرج مبعد لسوريا في 2013، هاذوما الـ3 نقاط الرئيسية اللي تذكروا اللي فيهم حسب هيئة الشهيدين معطيات من الملفات نفسها وتاو نشوفوا التقدم"...