اعتبر طارق الكحلاوي كرونيكور برنامج في 90 دقيقة اليوم الاثنين 6 جوان 2022، أن الحوار الوطني في جلسته الأولى كان فاشلا لعدة أسباب.

وقال الكحلاوي:" السيد صادق بلعيد مش معناها ناجح الحوار كان انت مشيت لدار الضيافة وجاوك مجموعة مالمدعوين... وقتاش نقولو ناجح ولا فاشل وقتلي تجيب ناس وازنة عندها تمثيلية في المسرح السياسي والاجتماعي، اثنين تجيب مش الناس اللي متفقين معاك 100 بالميا، تجيب الناس اللي يلزمك تتحاور معاهم مع شكون بش تتحاور بش تتحاور مع روحك، كيما البارح سمعت أول زواج ذاتي بش يصير وحدة هنداوية بش تأخذ روحها قررت بش تمشي تعرس بروحها، كاينو المساندين المطلقين لـ25 جويلية بش يعرسوا برواحهم، في الأخير عاملين العرس وهوما المدعوين والعدل المنفذ...المسألة مش مسألة قيمة فكرية الحوار هذا معنيين بيه الناس الوازنة في المشهد السياسي والاجتماعي اللي عندها عمق سياسي واجتماعي اللي عندها عمق سياسي واجتماعي وتمثيلية وتأثير... خلينا نتفقو أنو الحوار فاشل للأسباب اللي قلت عليها إنك تجيب الناس اللي عندها تمثيلية وتجيب الناس اللي مختلفة معاك الزوز أسباب هاذوما"...