اعتبر طارق الكحلاوي كرونيكور برنامج في 90 دقيقة على إي أف أم، اليوم الثلاثاء 17 جانفي 2023، أن الهدف الأساسي من زيارة رئيسة الحكومة نجلاء بودن هو القيام بلوبيينغ مباشر من أجل الحصول على تمويلات ثنائية خارجية لضمان توقيع اتفاق صندوق النقد الدولي.

وقال الكحلاوي:" يلزمنا تمويلات ثنائية في الحد الأدنى مليار و500 مليون دولار والهدف أنو يصير لوبيينغ ربما لدى الأطراف الأوروبية، دول قمة السبع الكبار، لأنو السعودية والإمارات اللي وعدوا بالمبلغ هذا ما التزموش بيه، توة هل بش تنجم الأطراف الأخرى الغربية تقوم بالشي هذايا أنا يظهرلي هذا هو سبب الزيارة، قلت المرة اللي فاتت وأكدت وهذا خاص بينا، اللي في لقاءات مع سفراء أجانب تم الحديث على مؤتمر أصدقاء تونس، لكن رئيسة الحكومة يبدو تحب تمشي تعمل لوبيينغ مباشر لجلب سريع للتمويل الثنائي هذا متاع مليار و500 مليون دولار، ويظهرلي المشيان لدافوس... اللي هو نادي الرأسمالية في العالم، الهدف مالزيارة هاذيا لوبيينغ لأجل ضمان تمويلات ثنائية من أجل ضمان مع صندوق النقد الدولي"...