علق طارق الكحلاوي كرونيكور برنامج في 90 دقيقة على إي أف أم، اليوم الجمعة 23 ديسمبر 2022، على ختم رئيس الجمهورية لقانون المالية لسنة 2023، دون إصداره في الرائد الرسمي.

ولوح الكحلاوي إلى وجود إمكانية تتعلق بسيناريو أن قانون المالية ربما سيكون في ملحق سري غير منشور في سابقة قد تكون الأولى من نوعها في تاريخ تونس المعاصر حسب تعبيره.
وقال كرونيكور برنامج في 90 دقيقة:" إن شاء الله السيناريو ما يكونش هو اللي باش يصير، لكن توة المؤشرات اللي موجودة يظهرلي هو اللي بش يصير، العام اللي فات كي صحح الرئيس على قانون المالية نتذكرو وقتها قال صححت على قانون المالية بالرغم اللي فيه أشياء أنا مش مقتنع بيها، وخرج قانون المالية شفناه، العام هذا مش فقط ما يخرجش قانون المالية، ما نعرفوش شنوة مضمونو، بل إنو يتصحح كأنو في السطر الأخير، حكاية السطر الأخير متاع راهو ما نحبكمش تركزوا عليه، عرفت كي اللي الناس تتبولد على قانون المالية متاع العام اللي فات قالو قانون المالية فيه سطر واحد " الفلوس وسخ الدنيا"، أنا يظهرلي توة قانون المالية هو بيدو "أسمع مش لازم وعلاش يلزمكم تعرفوه قانون المالية آش قام عليكم أتو تشوفوه جاية الأشهر"، بمعنى مرة طرحناها الفكرة أنو في الرائد الرسمي تنجم تتعمل حاجات وما تتنشرش، ليس كل الاتفاقيات والأفعال القانونية اللي تعملها الدولة تنشر، هو يلزمها وهذاكا علاش ساعات نلقاو في الأرقام المرسوم كذا ومبعد ما يجيش التسلسل الرقمي المباشر، خلي نخمموا في أنو إمكانية لأول مرة في تاريخ تونس المعاصر قانون المالية بش يكون في ملحق سري غير منشور، قما سيناريو، مش قلت هذا بش يصير ربما قلت مش سيصدر، علاش قانون المالية وسخ الدنيا وما نحبكمش تشوفوه علاش السيناريو هذا ممكن، على خاطر الرئيس عندو أشهر وهو يعارض اتفاق صندوق النقد الدولي اللي وقعتوا حكومتو مع الصندوق، أنا آش قلت البارح، قانون المالية مالمفروض يكون مسودة بما أنو ما عنا حتى حل بديل، الحل الوحيد اللي قعدلنا بش نجيبو تمويلات، ما تنجمش تحط فيه حاجات من راسك يلزم تحط فيه حاجات قابلة للتحقيق، بش تجيب تمويلات لازم تقول عندي صندوق النقد الدولي ضامن فيا بش تجيب تمويلات هاو الإصلاجات آش فيه"...