علق طارق الكحلاوي كرونيكور برنامج في 90 دقيقة على إي أف أم، اليوم الاثنين 29 أوت 2022، على حادثة وفاة الشاب كريم في تينجة، وعلى التوضيح الذي ورد في بلاغ وزارة الداخلية بخصوص الحادثة.

وقال الكحلاوي:" فما مشكل واضح وعميق متاع ثقة الرأي العام في الأمن... وهذا لا يعني أن كل ما يعملو الأمن بالضرورة غالط ولا الرأي العام الصورة متاعو صحيحة بشكل مطلق، فما مشكل متاع ثقة، لكن مش جاي من فراغ... مش أول مرة تجرا حاجة من النوع هذا، خلي ناخذ آخر حالة خلقت لغط وحديث كبير في تونس، اللي هو الشاب من سيدي حسين هذاكا اللي تم كذا هل تم التقدم في التحقيق في الموضوع هذايا؟ ما نتذكروش اللي وقتها كي جات محاولة إيقاف أعوان الأمن اللي ينجمو يكونو معنيين بهذا صار احتجاج من نقابات أمنية في علاقة بالنقطة هاذي، يعني كي تجرا حادثة وما يقعش حسمها وما يتمش توضيح بشكل يخلق ويعمق ثقة بين الناس، يا خويا هاو تقرير الطب الشرعي آش قال وهاو كذا وهاو الشهود وإذا كان غلطنا هانا نخلصوا، إذا كان ما غلطناش هذاكا هو القانون... كي ما يتمش معالجة حالات سابقة بالشكل المطلوب، تي هو نحنا إلى حد الآن قضايا شهداء الثورة مازالت معلقة راهي ومازالت في الأخذ والرد نظرا للمسار ما مشاش بالشكل المطلوب... وزارة الداخلية نقلت روايتها لكن كي تبدا فيها نفس عناصر الحديث متاع هرب وتناول مادة ما نعرفوهاش شنية اللي هي نفسها وردت في بيانات سابقة على حالات سابقة، يولي معناها فما مشكل...".