وقال الكحلاوي:" البارح رئيس الجمهورية بصلاحيات قيصرية لم تكن حتى لكبار الزعماء، وحتى بورقيبة ما كانش عندو صلاحياتو، البارح قيس سعيد في علاقة بباكو حليب قال الحل متاعو نرجعو لحليب الغبرة، يعني هنا آش عندك، عندك رئيس جمهورية غزر آش قال؟، أسموعوا يا جماعة الاحتكار راهو هطا التنبيه الأخير... مواطن تونسي يغزر يقول رئيس الجمهورية بكامل الصلاحيات يحكم بالمراسيم لا عندو لا برلمان لا حتى حد ينجم ياقف قدامو، يغزر يقول بعد ما شاف الناس ما عندهاش حليب لأسابيع طويلية، يغزر يقول التنبيه الأخير، لشكون، التنبيه الأخير لوزارة الداخلية عندها تقارير تعرف شكون ومش تنفذلك في تعليماتك، إي فاش تستنى؟، قيل وزير الداخلية والمديرين العامين الكل، التنبيه الأخير لوزارة التجارة، وزيرة التجارة ماهيش تخدم في خدمتها هي والمديرين اللي معاها، إي فاش تستنى هوما صارة متواطئين مع الحكاية، برا قيلهم وحطهم وأبعثهم للدار، التنبيه الأخير للمحتكرين بيدهم، يعني تعرف انت هوما شكون، ما تعمللهم حتى شي، إي عاد فاش تعمل، لهنا البارح، ما ورنيش الحقيقة عجز رئيس بصلاحيات، وراني عجز قيس سعيد تحديدا، أنو قيس سعيد رأسا كما هو اللي عايش في نوستالجيا الماضي، كان يحتاج صرخة مواطن في الشارع وقتلي هبط للشارع بش يعرف اللي فما مشكلة متاع حليب، التقارير اللي تجيه يوميا صباحا ومساء وعشاء وتقلو الناس فاش تحكي في المطاعم والقعدات ما قالولوش عالحليب، خطير برشا هذا راهو"...
Address: Immeuble Louati 4e étage Lot 6.5.9
Les Jardins du Lac - Tunis - Tunisie
Tél: +216 70 016 020
E-Mail: contact@ifm.tn