اعتبر طارق الكحلاوي كرونيكور برنامج في 90 دقيقة على إي اف أم، اليوم الأربعاء 28 ديسمبر 2022، أن المبادرة التي أطلقها الثلاثي المتكون من اتحاد الشغل وعمادة المحامين ورابطة حقوق الانسان سيركز أساسا على نقطة رحيل الحكومة.

كما علق الكحلاوي على تصريحات الناشط المترشح للانتخابات التشريعية أحمد شفتر، معتبرا أن كلامه وكلام المحيطين برئيس الجمهورية لا يساعده، قائلا:" كلام الناس المحيطين بالرئيس ومنهم أحمد شفتر: كلامهم مش قاعد يعاون أنو الرئيس يخرج من حالة الانكار ويحاول يزيد يشوف الساحة الكل، بالعكس قاعد يزيد يغرق فيه في الفقاعة متاعو... كلام السماء زرقاء ووردية وأنا أصبحت مقتنع أكثر من أي وقت مضى أنو اللي نعملو فيه صحيح، وكل شي ماشي بالقدى عادي و10 في الميا عادي شنوة المشكلة متاع نسبة المشاركة، لهنا اذا كان الناس اللي حول الرئيس ويسمع فيهم ، قاعدين يقولولو في الحاجات اللي يحب يسمعهم أو يزيدو يقويولو من درجة الإنكار متاعو وقتها راهو ماهوش قاعد يعاون، حتى الناس اللي تنجم تكون عندها نية متاع في الوسط، لا مش بش تلقا روحها في الوسط خاطر كان الرئيس يتطرف من غادي وعنا الوضع الاقتصادي والاجتماعي هو بيدو يتطرف من غادي ماعادش تنجم تحكي بالعقل راهو ما تنجم كان انت نفسك تتطرف لأنو السياق بش يتطرف"..