علق طارق الكحلاوي كرونيكور برنامج في 90 دقيقة على إي أف أم، اليوم الاثنين 24 أفريل 2023، على تصريحات رئيس الجمهورية قيس سعيد يوم الخميس الفارط، وعلى المقال الذي نشره موقع مغربي حول الجزائر وإيقاف راشد الغنوشي.

وقال الكحلاوي:" العلاقة صحيح قوية بين النظام في تونس والنظام في الجزائر.. الأجهزة في الجزائر اللي هي تحكم فعليا عندها تصورها للمنطقة وما كانتش متحمسة أصلا لمسألة الربيع العربي، وخاصة تصدر طرف إسلامي للسلطة في تونس معروف هذا وماهوش خافي على حتى حد، ربما كمال لطيف أكثر أهمية للجزائر من راشد الغنوشي لعدة أسباب... في العلاقة تاريخيا.. الموقع اللي تداولو نص مقالو، استغربت فما ناس جامعيين وصحفيين، تداولو المقال متاع المغرب أنتيليجنس، على أساس أنو صدق الله العظيم في حين معروف الموقع هو موقع مغربي ومعروف اللي هو أحد منصات المعركة الإعلامية، بين المغرب والجزائر وفما مواقع جزائرية نفس الشي، إذن غربية اللي شفت ناس من المفروض بعقلها تنشر على أساس أنو الخبر دقيق وكذا، وحتى أطراف إسلامية مالمفروض يعرفوا العلاقة بين النهضة والنظام في الجزائر ماهيش علاقة حماية لكن ماهيش علاقة توتر قصوى، الجزائر عموما تصورها لمسألة الإسلام السياسي تمارس فيه في الجزائر ترى أنو الإسلام السياسي يلزم يتوجد لكن في مرتبة ثانية وثالثة وفي إطار منظومة معينة مش هو يتصدر الساحة.. أنا فقط تعليقا على تصريح الرئيس اللي قال فيه على أطراف أجنبية.. موضوع راشد الغنوشي أنا أشرت المرة اللي فاتت اللي راشد الغنوشي فما فرق كيفاش يتنظرلو تونسيا، النظرة عموما سلبية، استطلاعات الرأي مش غالطة اللي تقول هو عموما ليس شخصية محبوبة في تونس، لكن على المستوى الدولي فما نظرة أخرى، نظرة تراه اللي هو طرف أساسي ورئيسي في الحفاظ على التوازنات ويتعاملوا معاه على الأساس هذا"...