تساءل طارق الكحلاوي كرونيكور برنامج في 90 دقيقة على إي أف أم، اليوم الخميس 25 ماي 2023، عما إذا كانت هناك صلة بين قرار الإفراج المؤقت على مدير عام إذاعة موزاييك أف أم، نور الدين بوطار وبين التفويت في نسبة من رأس مال الإذاعة.

وقال الكحلاوي:"... نور الدين بوطار يملك 33 في الميا من أسهم الإذاعة، لكن الأسبوع اللي فات تم بيع جزء من الأسهم، حوالي 12 في الميا من أسهم نور الدين بوطار، مشى من 33 في الميا أصبح 20 في الميا، واللي شرى الـ13 في الميا هي شركة يملكوها عائلة بوشماوي، طارق بوشماوي، هاذي الكلها ماناش قاعدين نقولو في حاجات سرية، نشرها موقع البوصة والعديد من وسائل الإعلام، ماناش قاعدين نكشفوا في أسرار، لكن مباشرة بيع عملية البيع هاذيا جاء الإفراج على السيد نور الدين بوطار، شنوة علاقة هذا بهذا، هل فما علاقة؟، خاصة اللي نور الدين بوطار صحيح معني بقضية تحقيق مالي ما نعرفش وين وصلت شنوة لقاو ما لقاوش ما عنا حتى فكرة، لكن أيضا مجبود في القضية الأخرى متاع أمن الدولة، والمفروض إذا كان مجبود في قضية أمن الدولة ما يتطبقش عليه الضمان المالي... اللي نحب نقولو أولا أنو أي شخص عندو علاقة بالإعلام مشدود في شبهة تنجم تتعلق بالإعلام بخط تحريري اللي ما يلزمهاش تكون شبهة، ويكون في حالة سراح هو خبر جيد، هاذي النقطة الأولى"...