علق طارق الكحلاوي كرونيكور برنامج في 90 دقيقة على إي أف أم، اليوم الجمعة 7 أفريل 2023، على تصريحات رئيس الجمهورية بخصوص إصلاح التعليم.

وقال الكحلاوي: إن منهجية إصلاح التعليم لدى الرئيس شبيهة بالاستشارة الإلكترونية، وإن استشارة الشعب التونسي مهم، حول الإرادات العامة مهمة، ويجب ربط إصلاح التعليم بخلق الثروة.
وتابع كرونيكور البرنامج القول:" لأنو موضوع إصلاح التعليم ما يلزمش يتدرس بمعزل على موضوع خلق الثروة، في الستينات والسبعينات توجدت المنظومة هاذيكا في علاقة بأنو الدولة هي مشغل رئيسي في البلاد، الدولة في الإدارة في التعليم، في الصحة وفي المنشآت العمومية هي المشغل الرئيسي، وبالتالي كانت الزوز أجنحة، الجناح التعليمي متاع الثانوي والجامعي، والجناح الآخر المهني التقني كان يخدم منظومة التشغيل اللي تشرف عليها الدولة، توة خلق الثروة ما عادش نفس الوضعية، يلزم طرح موضوع خلق الثروة في علاقة بإصلاح التعليم، وهذاكا علاش استشارة الشعب التونسي على أهميتها، ماهيش أكثر أهمية من استشارة الناس اللي غاطسة في الموضوع هذا عندها عشرات السنين، ولهنا الإشكال متاع الرئيس، أنو الرئيس لا يريد أن يتحاور مع النخبة المعنية بفهم الموضوع هذا، هو يتحاور مباشرة مع الشعب التونسي في نفس الوقت اللي مانح روحو صلاحيات بش يحدد سياسات عامة وعمومية مركزية في عدد من القطاعات الاستراتيجية ومنها التعليم... التناقض العام عند الرئيس هو أنو على قد ماهو ماسك صلاحيات وعلى قد حديثو على مشروع وضرورة وجود.. على قد هو لا ينتج المشروع ويرمي الكورة للشعب يريد وللاستفتاء"...