اعتبر طارق الكحلاوي كرونيكور برنامج في 90 دقيقة على إي أف أم، اليوم الجمعة 10 مارس 2023، أن الصراع سيبدأ فعلا في البرلمان الجديد على المواقع.

وقال الكحلاوي:" يظهرلي بش يبدا الصراع فعلا على المواقع في البرلمان وهذا واضح... بطبيعتو الصراع على شكون رئيس البرلمان، برلمان بصلاحيات محدودة مفتوحة عركة معناها لا قبلها لا بعدها حول شكون رئيس البرلمان وحملة انتخابية لكل مرشح ويدورو في الجهات، هذا دليل اللي بش يكون برلمان متاع مواقع وبش يؤكد الصورة السلبية متاع البرلمان قبل ماهوش بش ينحيها لكن المرة هاذي برلمان قيس سعيد مش البرلمان أكهو، برلمان قيس سعيد اللي هو سيحمل معه مظاهر الزبونية والعلاقات الخاصة... 
المدة اللي فاتت مرة سمعت نائبة جديدة قالت وتسربوا جماعة النهضة، أنا الساعة نعرفها هي نداء تونس تسربت هاي في الحالة هاذيا وتبين أنو فما 75 واحد كيفها، ونداء تونس مش مجرد حزب كان، حساسيتو كانت عموما في جزء كبير منها متاع دساترة... قيس سعيد عمل انتخابات طلعو فيها الشبكة التقليدية متاع الدساترة اللي ماذابيهم يتموقعوا في كل مكان وفي كل زمان وماذابيهم يبداو في مفاصل الدولة"...