عبر طارق الكحلاوي كرونيكور برنامج في 90 دقيقة على إي أف أم اليوم الجمعة 30 سبتمبر 2022، عن إعجابه بشجاعة المواطنة التي قامت بتصوير عون لحرس المرور أثناء تقديم رشوة له، مشددا على أنها نصبت له كمينا بعد أن أراد هو الإيقاع بها حسب تعبيره. 

وقال الكحلاوي:" بالطبيعة كل واحد يتحمل مسؤوليو وهو لا يمثل كل الأمنيين... لكن في نفس الوقت المرا يعطيها الصحة عملتلو كمين...  أنا نشوف الناس اللي ما عندهاش الجرأة متاع المرا هاذيا، قارحة، حاجة معناها غير عادية، عملت كمين لحد حب هو يعمللها كمين، راهو فما استطلاعات عديدة تعملت على مدى السنوات الفارطة بخصوص نظرة المواطنين للأمن، وفما لهنا إشكالية وديما راهو مش بالضرورة الناس الكل يخزرو للأمن بشكل سلبي... التوانسة يحتاجو الأمنيين ويلزم يكون فما علاقة جيدة بين الأمنيين والتوانسة... الأمن مالثورة وانت جاي هي من القطاعات اللي تحصلت على أكثر زيادات مقارنة بالقطاعات الأخرى بالتالي ما تقليش حقك مهضوم...".