أكد رئيس المكتب السياسي لحراك 25 جويلية، اليوم الثلاثاء 14 مارس 2023، خلال حضوره في برنامج في 90 دقيقة على إي أف أم، أن النواب التابعين للحراك ساعدوا العميد إبراهيم بودربالة من أجل الوصول إلى رئاسة مجلس نواب الشعب.

وقال الخلولي:" نعم نحنا ساعدنا العميد بودربالة لأنو بالحق في آخر اللحظات اللي كنا نتفاوضوا فيها، في إطار أنو نعملو كتلة كبيرة وتتوحد الكتلة متاع النواب الكل لينتصر الشعب والأحزاب الأخرى اللي كانت داعمة للمسار اللي هي داعمة للرئيس وفي الأخير قبل انعقاد الجلسة بـ24 ساعة وقع الاتفاق بين النواب متاعنا والجماعة اللي هوما فما اتفاق معانا على أساس أنو نختارو العميد بودربالة حتى يكون هو رئيس المجلس، وكانت اختياراتنا على الأقل صائبة، والمعايير اللي خذيناها علة أساس أنو اليوم المجلس يلزم يكون فيه رئيس عندو على الأقل تكوين قانوني ونعرفو أنو العميد بودربالة هو محامي، وعلى الأقل ينجم يقود الإدارة متاع المجلس، وينجم يسير الجلسات العامة، وحتى يسير شؤون النواب إلى آخره".