علق عبد المجيد بلعيد شقيق الشهيد شكري بلعيد اليوم الجمعة 2 جوان 2023، على تصريحات رئيس جمعية القضاة الشبان مراد المسعودي في برنامج في 90 دقيقة على إي أف أم.

وقال بلعيد في مداخلة هاتفية مع البرنامج:" آش بش نرد وآش بش نقول على السيد هذا والله مسكين حاجة تسخف، لما يقول هيئة الدفاع سياسية هو اللي يعمل فيه توة سياسة بدءا، ثانيا نعرفوا انتماؤو السياسي وولاؤو المطلق لحركة النهضة، ثالثا اغتيال الشهيد شكري بلعيد هو اغتيال سياسي، اغتيال دولة هو رمز هو أمين عام حزب وبالتالي القضية بالضرورة يلزمها تكون سياسية، أنا لما يقوللنا السيد بشير العكرمي هو كفاءة عالمية،  نعم هو كفاءة عالمية في التدليس وسرقة المؤيدات، وفي التلاعب والتحيل على القضية، السيد هذا هو المتورط الرئيسي والمتهم الرئيسي بالتلاعب في ملفي الشهيدين، إذن القاضي هذا ما نستغربش منو، راجعت البارح التصاريح اللي عملها في الوقفة الاحتجاجية اللي عملوها انسان مهزلة، لما يقول هو خايف على استقلالية القضاء، نقلوا سيدي الكريم وقتلي الخوانجية يحكموا ما كانش القضاء مستقل وكنتم تأتمرون بأمره وأنت أولهم"...