علق الناشط السياسي والمحامي محمد عبو اليوم الاثنين 21 نوفمبر 2022، خلال حضوره في برنامج في 90 دقيقة على إي أف أم، على تصريحات رئيس الجمهورية قيس سعيد خلال القمة الفرنكوفونية.

وقال عبو:" في القمة ما نعرفش كيفاش يحضر، في المستوى هذا يجبو أساتذة مختصين متاع فرنسية مش عيب راهو الرؤساء الكل يعملوه... المشكلة العدوانية اللي يحب يعديها في كل بلاصة ما فهمتش علاش بالك حكاية نفسية... توة انت تستدعاهم في بلادك ومبعد تقلهم المعجم المفضل متاعي... أنا مستغرب خاطر أنا رجل قانون كيفو ساعات نطيح في الدباغين بكتاب قديم نفرح بيه والكل، أما ما يوليش المفضل عندي، توة انت المعجم متاعك متاع القرن 19 في أنا كتب تقرا انت، انت تحب عبارات متاع القرن 19 ترجع للمعجم هذاكا، مثلا تبحث في حاجة قديمة مثلا بحث جامعي كأستاذ قانون، مغروم بالمعجم هذاكا والله الحقيقة ما فهمتهاش إذن واضحة ماهيش صحيحة، المفضل متاعو هذا ما فيهوش كلمة الفرنكوفونية، إي مالا لواه تستدعى فيهم في تونس ومتعب روحك وصارف، مش حلوة وعدوانية مجانبة وما يعملها حتى حد، وحتى كان بالحق عندك راي سلبي فيهم ولا غيرو أول حاجة ما تستدعهمش وإذا استدعيتهم كون ديبلوماسي شوية، اثنين ليه هو ولغيرو اللي انتقدو فيه نقصوا شوية من الشعبوية والمبالغة والتحجر متاع الأفكار، توة انت جيت عملت مناسبة معينة بش تعمل فيها صورة إيجابية على تونس، نحاولوا الناس الكل نظهرو في شكل إيجابي يزينا مالعدوانية لا تحكم فينا فرنسا ولا هم يحزنون وإذا حكمت فينا راهو بفضل السياسيين يبيعو ويشريو إذن ما عندهاش علاقة هي تحب تحكم ولا ما تحبش تحكم، واثنين راهي مرتبطة بلغة بتاريخ، تحب تخرج منها أخرج منها، ياخي انت توة ملزم بش تبقا فيها، بقيت فيها اعتبرها فرصة لربط علاقات مع دول أخرى، انجمو نربحو منها على مستوى اقتصادي واجتماعي نزيدو نحسنو أوضاعنا على مستوى هجرة على مستوى علاقات، تولي الكلمة متاعنا مسموعة لا أكثر ولا أقل، العدوانية هاذيا زايدة، وفي المقدمة متاعو قال فما ناس حاولوا كونو ما تجيش من بينهم ترودو، توة الراجل قدامك جاء هو تي علاش تقول فيها زايدة ماسطة الحقيقة نسمويها تقوعير نحنا في تونس بصراحة توة تستدعى ناس في دارك وهاذيا فما بالك برئيس جمهورية وما أدراك".