ولم يستبعد البريكي أو يؤكد ما راج من أنباء، قائلا:" حالة الانفلات اللي شهدتها البلاد وقت النهضة شدت الحكم لم يكن من الممكن السيطرة عليها.. وقتها ما تنجم تراقب حتى شي وأنا جيت بعد تلهينا بملفات وحدة أخرى، أنا نقول وارد، اللي عندي يؤكد شنوة أنو اكتشفت اللي العفو التشريعي العام أدى إلى انتدابات دخلو فيها الإرهابيين، الناس اللي هزوا السلاح في تونس منهم جماعة سليمان ومنهم ناس أخرين إرهابيين بالفم والملا، هاذوما صحيح دخلوا للوظيفة العمومية بعد إدخال القرار حيز التنفيذ، بدليل وهاذي أول مرة بش نقولهالكم، وقتها أنا حبيت نثبت، جبدت القايمة متاع اللي دخلو عن طريق العفو التشريعي العام الكل وحبيت نثبت عن طريق وزارة الداخلية، مش لازم نقولو وزير الداخلية وقتها شكون قتلو راني بش نبعثلك مراسلة رسمية، مساحة ذاتية نتذكرها مليح مليح كي عندي توة قال الآخر، قالي أسمع سي فلان أنا ننصحك بش تخلي توة هكاكا خلي في مرحلة لاحقة، أطلب هذا هذا في وقت آخر لأنو البلاد الكل كانت في حالة هيجان ومرحلة معروف اللي صار فيها وحالة المد متاع الإرهابيين في كل بقعة وقتها بأشكال مختلفة كأنهي نصيحة ذاتية مش لازم نقول وزير الداخلية شكون، الثابت أنو بالفعل العفو التشريعي العام حل باب كبير قدام تسرب الإرهابيين، ورجعوهم في الوظائف اللي كانوا فيها قبل، باستثناء الجيش، موظفي دولة"...
Address: Immeuble Louati 4e étage Lot 6.5.9
Les Jardins du Lac - Tunis - Tunisie
Tél: +216 70 016 020
E-Mail: contact@ifm.tn