عبر الناشط السياسي المستقل والوزير الأسبق عماد الحمامي، اليوم الثلاثاء 17 ماي 2022، خلال حضوره في برنامج في 90 دقيقة على إي أف أم، عن اعتقاده في أن الاستفتاء المرتقب يوم 25 جويلية سيكون حول 5 محاور أساسية.

وقال الحمامي:"  الخمسة محاور اللي خرجوا من الاستشارة الوطنية اللي ما لقاتش شكون يدافع عليها كيما يلزم حسب رايي، شاركوا فيها 500 ألف وأنا متأكد لو كان شاركوا فيها 5 ملاين كانت تخرج نفس التوجهات... ما شاركوش فيها برشا على خاطر تجربة الديمقراطية بطريقة الجمهورية الثانية عملت نفور لدى الجميع من أي مشاركة وتوة لو كان تصير دعوة من أي كان في أي عملية ديمقراطية ماناش بش نلقاو إقبال كبير... ممكن المشاركة في الاستفتاء الأرقام بش تكون كيما الاستشارة، وحسب رايي هذا ما يمسش مالمصداقية متاعها لأنا أحنا الآن قاعدين في فترة استثنائية وقاعدين نعانيو الكلنا كمجموعة وطنية سواء اللي حكم واللي ما حكمش واللي هو ملتزم واللي قاعد يتفرج وكل، قاعدين نعانيو في مخلفات متاع تجربة، يتحمل المسؤولية الجميع في المشاكل والجراحات اللي خلفتها لدى العقل الجمعي التونسي في الأداء السياسي متاعو وهذا بش يخلي أي محطات واستحقاقات ديمقراطية لوقت محترم إلى أن ترجع الثقة نسبة المشاركة ضعيفة... أنا حسب رايي المحاور متاع الخط السياسي والنظام الانتخابي وطريقة الاقتراع، الخمسة توجهات اللي خرجت بيها الاستشارة الالكترونية هاذوكم يتوضعو للاستفتاء".