أكد الناشط السياسي والوزير الأسبق عماد الحمامي اليوم الثلاثاء 5 جويلية 2022، خلال حضوره في برنامج في 90 دقيقة على إي أف أم، أن التحولات العالمية المجنونة، تتطلب اتحاد الوطنيين والصادقين والمخلصين والأكفاء والعمل يدا بيد مع قيس سعيد لرفع الراية الوطنية حسب تعبيره.

وقال الحمامي:" قاعدين نفهمو أنو الأيديولوجيا تتصرف في الوقت هذا، الإسلام السياسي ما عادش ممكن بش يجي في تونس والبلدان العربية، والعام مازال مواصل التحولات بالسرعة المجنونة منذ سنتين، منذ جائحة كورونا ولا حتى الآن في الحرب الأوكرانية الروسية فما تحولات مجنونة، فما نظام عالمي جديد يتخدملو في الصالونات يتجسد على أرض الواقع وتونس قاعدة تضيع في برشا وقت، ضيعت قبل وبعد 2011 برشا وقت وبعد 25 جويلية ضيعت برشا وقت، عماد الحمامي يشوف أنو من واجب النخبة ومنهم الوطنيين والصادقين والمخلصين والأكفاء واللي عندهم في مخاخهم أنهم يكون فما نكران للذات وأنو نرفعوا الراية متاع تونس ونخدمو ونحطو اليد في اليد مع قيس سعيد ويجعلنا نوصلو".