اعتبر غازي الشواشي أمين عام حزب التيار الديمقراطي خلال حضوره اليوم الأربعاء 25 ماي 2022، في برنامج في 90 دقيقة على إي أف أم، أن الوضعية التي تعيشها تونس ربما تكون أخطر من الوضعية التي عاشتها في 2013.

وقال الشواشي:" نحنا اليوم نتصور في وضعية أخطر مالوضعية اللي كانت عايشتها تونس في 2013، واللي بفضل ذلك الحوار اللي نجح وخذا جائزة نوبل قدرنا نتجاوزو الأزمة والاختلافات ونعملو دستور توافقي وانتخابات تشريعية ورئاسية، اليوم عنا مشكلة في الدستور فلبكن نحطوه على الطاولة واناقشو معاه، عنا مشكل في المنظومة الانتخابية بالضرورة وهي حاجة أكيدة وملحة أنو نقعدوا على الطاولة ونتجاوزوه، عنا مشكلة اليوم في المالية العمومية وفي منوال التنمية لا بد نجلسو على طاولة الحوار، أنا اليوم ندعو اتحاد الشغل لأن يصبح صاحب مبادرة للم الشمل وانو الناس تقعد على طاولة الحوار واناقشو كل ما يهم التوانسة ونخرجوا عن حالة الوهم اللي قاعد يبشر بيها السيد قيس سعيد وندعو التوانسة اللي مازالو متخمرين شوية ومازال عندهم أمل في قيس سعيد، قيس سعيد راهو ماضي في تدمير الدولة التونسية وفي تخريب التجربة الديمقراطية، هو الخطر اللي يهدد اليوم أمن واستقرار الدولة التونسية".