كشف الصحفي فتحي الطريقي خلال مداخلة هاتفية مع برنامج في 90 دقيقة على إي أف أم، اليوم الاثنين 8 أوت 2022، ملابسات الأحداث التي رافقت عرض مسرحية لطفي العبدلي بمهرجان صفاقس الدولي أمس الأحد.

وأشار الطريقي الذي كان شاهد عيان على ما حدث، إلى أن التنظيم كان محكما في البداية، إلا أن حركة لا أخلاقية مفاجئة من لطفي العبدلي كانت شرارة لانطلاق الأحداث.
وقال محدثنا:" ماراعنا أنو لطفي العبدلي في مسرحيتو البارح في المسرح الصيفي سيدي منصور، توجه بحركة لا أخلاقية بإصبعو للمؤسسة الأمنية ولرئاسة الجمهورية... على إثر الحادثة هاذي بعض الأطراف النقابية الأمنية حبوا يقاطعو تأمين الحفل، النقابة الأساسية بمنطقة حي البحري بصفاقس الجنوبية... الكواليس تقول منذ البداية أنه قدموا منذ البداية لإحداث الشوشرة بسبب عدم تمكينهم من اعتمادات للدخول، المشكلة في أنو كيفاش الأمن انسحب كليا كي تدخلوا بالعنف المعنوي في البداية للطفي العبدلي والهيئة المنظمة والجماهير، ما راعنا اللي هوما نسقو مع الأمنيين والكل خرجو ما عدى عدد قليل من الحماية المدنية، لطفي العبدلي حكا مع الجماهير الصفاقسية وقالولو كمل إخدم على روحك... الحماية المدنية ما حبتش تخرج، الأمنيين الكل خرجو، القيادات الأمنية الكبرى قعدوا يريضو في الجو، الحماية المدنية ما حبتش تخرج خافت على سلامة المواطنين فما قرابة الـ10 آلاف متفرج... تم إيقاف المسرحية في أكثر من 4 أو 5 مناسبات ومبعد يرجع لطفي، ولكن الأمنيين اللي عددهم قليل جدا كانوا يخرجو ويعاودو يحبو يدخلو للطفي العبدلي، وكي أنا كصحفي حبيت نوثق العملية هاذيا تم الاعتداء عليا، معنتها كان ما جاتش مع احترامي للمؤسسة الأمنية اللي هي نقذتني وبعض الصحفيين اللي كانوا متواجدين"...