وصف رئيس حزب الراية الوطنية مبروك كرشيد اليوم الجمعة 30 ديسمبر 2022، خلال حضوره في برنامج في 90 دقيقة على إي أف أم، سنة 2022، بسنة الجفاف، معبرا عن أمانيه بأن تكون السنة الجديدة مليئة بالأمل للتونسيين وينتهي فيها الجفاف.

وقال كرشيد:" نتمنى تكون سنة جديدة ملؤها الأمل للتوانسة، وأنو نودعو سنة الجفاف هاذيا، سنة الجفاف من جميع ما، مش كان جفاف الأمطار، ربي هز علينا المطر، الوجوه القاطبة والشاحبة والمتنرفزة بصمت السنة، وطابع الجفاف عاطفي، حتى الناس التوانسة للأسف كارهين بعضهم، تشوفهم عالفايسبوك وفي الشارع يسبو في بعضهم، كانت سنة عجفاء فقدنا فيها الطماطم والحليب والسكر والقهوة، البارح مشيت لصفاقس، في الأسبوع ما عندكش الحق تستهلك في عايلتك أكثر من 200 غرام قهوة.. حالة عطش كبرى والمسؤول على هالوضع مش منتبه، نتمنى للتونسيين في السنة الجديدة ينتهي الجفاف، العاطفي وجفاف الطبيعة وإن شاء الله يجي الخير في 2023".