أكد رئيس نقابة الإذاعات الخاصة كمال ربانة اليوم الجمعة 25 فيفري 2022، خلال حضوره في برنامج في 90 دقيقة على إي أف أم، أن الإذاعات والتلفزات ترزح تحت ضغط ديون كبيرة حتى وإن عملت ليلا نهارا، فما بالك بالمؤسسات التي انقطعت عن البث أو أغلقت أبوابها.

وقال ربانة في إطار برمجة خاصة حول واقع قطاع الإعلام في تونس:" معنتها الإذاعات والتلافز الكل كي تبدا تخدم نهار وليل ما هيش تخدم في رفاهية... الوضع اللي عايشينو في تونس 10 سنين، المؤسسات الاقتصادية، في اقتصاد ماهوش متوازن ومستقر يحلي المؤسسات الكل في حالة تعيسة.. المصاريف كبيرة برشا، القنوات التلفزية عندهم مشكلة كبيرة مع الديوان الوطني للإرسال وزيدها حقوق البث .. مع الهايكا في كراس الشروط نعيشو كان بالاشهار، في غياب الاشهار أو يكون ضعيف بش تلقاهم يعانيو، التلافز هاذي معضلة كبيرة، ومؤسسة اقتصادية إعلامية تخلص في ضمان اجتماعي وتنقلات، قناة منين بش تجيبلك خبر، البنزين والسيارات والفريق والإقامة، والتجهيزات وأدوات العمل.. إذا كان نوصلو نلقاو حل لديون ديوان الارسال الإذاعي والتلفزي، يخف علينا العبء وانجموا نجاريو الباقي، كي تلقا ديون كبيرة وتزيدها البقية الكل.. ناس ما عندهاش فكرة عالإذاعات اللي فما تجهيزات كل شهر وكل عام يلزمو يتبدل ويتجدد، وزيد التكنولوجيا".