اعتبر لسعد الذوادي رئيس المعهد التونسي للمستشارين الجبائيين والخبير الجبائي، اليوم الأربعاء 5 أكتوبر 2022، خلال حضوره في برنامج في 90 دقيقة على إي أف أم، أن قرض صندوق النقد الدولي لن يستفيد منه الشعب التونسي ولن يحل مشكلة تونس.

وقال الذوادي: المشكلة مزمنة توة أنو ما عناش موارد ونلتجؤوا للمديونية هاذيا ماعادش ظرفية لا ولت مزمنة وأنا موقفي واضح في المسألة هاذيا، أولا المبلغ زهيد، ويحكو على أنو هالمبلغ هذا اللي بش يتكرموا بيه على 3 سنوات، وطبعا انت أشرت لمسألة الشروط، واللي هي أعتقد أنها غير أحنا للأسف نحن شعب جاهل لا نقرأ، أما كان نقرو كتاب الخديعة الكبرى متاع جوزيف سنيغليتز اللي هو متحصل على جائزة نوبل وزيد كان مستشار متاع بيل كلينتون، حكا على أنو الحلول متاع صندوق النقد الدولي بالنسبة لبلدان كيفنا أحنا التي ينخرها الفساد.. النصائح متاعو لن تؤدي إلا إلى الثورات الشعبية باعتبار وأنها هي واضحة مثلا بالنسبة لتونس رفع الدعم التخلي عن تمويل المرفق العمومي، الصحة والتعليم والنقل إلى غير ذلك من المرافق العمومية اللي هي بيدها مخربة توة وينخرها الفساد وتحتلها العصابات والمافيات"...