قدم الأستاذ التومي بن فرحات أحد محامي عائلات الضحايا فيما عرف إعلاميا بفاجعة الرضع، اليوم الاثنين 10 جويلية 2023، خلال مداخلة مع برنامج في 90 دقيقة على إي أف أم، تفاصيل حول الأحكام السجنية التي رافقت الملف. 

وقال بن فرحات:" مدير الصيانة الوحيد اللي خذا عدم سماع الدعوى، فما طرفين حكم ضدهما تقريبا 10 سنوات سجن، 8 أشهر في 15 قضية، وهما رئيسة مركز التوليد ورئيس قسم الصيدلة... فعلا أكبر نقاش صار، التقاطع الوحيد الواضح ما بين فريق الدفاع، على الأقل أنا كجزء من فريق الدفاع تمسكت بيه عن عائلات الضحايا، وفريق الدفاع عن المتهمين، أنو تحميل المسؤولية للوزراء وحددنا مدة، طلب متاعي أنا كان في استدعاء الوزراء من سنة 2017 إلى مارس 2019، على خاطر رئيس قسم الصيدلة قدم مراسلة في 2017، إلى وزارة الصحة وإلى الإدارة العامة للصحة، يعدد فيها النقائص الموجودة في الغرفة البيضاء، حصرهم بالضبط، وهي نفس النتائج اللي الاختبار من بعد، كشف أنها أدت إلى الكارثة... الاختبار حدد بالضبط أنو المستحضر اللي تم استعمالو لم يكن في ظروف متاع تعقيم علمية وصحية، خاطر الغرفة يلزم تكون معقمة بنسبة 100 بالميا... وناخذ المجازفة بش نقلك حتى إلى يومنا هذا الخطر موجود ولم يقع تغيير كبير برشا، الوضعية كما هي، يلزم تولي عنا ثقافة محاسبة المسؤول الأول الوزير"...