أكد الناطق الرسمي باسم حزب التيار الشعبي محسن النابتي اليوم الجمعة 18 فيفري 2022، خلال حضوره في برنامج في 90 دقيقة على إي أف أم، أنه لا يعتبر من أسماهم "بالخوانجية" معارضة واصفا إياهم بالخونة.

وقال النابتي:" الخوانجية مش معارضة هاذوما خونة، وقتلي متهم باختراق الأمن القومي وتبييض الأموال والاغتيالات وبناء جهاز سري داخل أجهزة الدولة، ويسرح ويمرح وينكت البارح، أكثرش من هكا.. ما فماش خطر على الحريات.. رئيس الجمهورية من 25 جويلية وحتى في علاقة بالدستور عندو نوع من الخوف إلى حد الفوبي، أنو المخاطر اللي تنجم تجي مالضغوطات الخارجية هو موضوع الحريات، لحد أنو مجرمين يسرحون ويمرحون كانوا مالمفروض يكونوا رهن الإيقاف، واحد كيما راشد الغنوشي اللي ينكت البارح مالمفروض راهو موقف من نهار اللي دعا لجلسة موازية للبرلمان لضرب مؤسسات الدولة وخلق شرعيتين لتقسيم الدولة.. كان مالمفروض بعد ما تكمل الندوة الصحفية لهيئة الدفاع يكون موقف، لكن خلينا نقولو انو رئيس الجمهورية خذا الطريق الأصعب والأطول واللي خلا برشا ناس ينجموا يلتفوا في وسط الطريق، لكن الأضمن في موضوع الحقوق والحريات هو انت اذا عندك جريمة القضاء هو اللي يبت فيها لأنو في دول أخرى بما فيها اللي يسمبوه النادي الديمقراطي، ساركوزي خدم فرنسا برشوة كي نبيل القروي بالضبط، وحكمو عليه بالحبس وأكثر من هكة زاد ورط الدولة الفرنسية والشعب في جريمة ضد شعب آخر بش يتلف معالم الجريمة متاعو"...