أكد محمد الكحلاوي أمين عام الوطد الاشتراكي خلال حضوره في برنامج في 90 دقيقة على إي أف أم، اليوم الأربعاء 4 ماي 2022، أنه حزبه مساند لمشروع 25 جويلية ومناهض لمنظومة 24 جويلية.

وقال الكحلاوي:" وأحنا في اطار 25 جويلية كنا في بالنا ولتوة مازلنا نأملو أنو 25 جويلية يمشي في الاطار الثوري اللي انطلق منذ 2010 و2011... عندنا مواقف وبرنامج ورؤية وكنا من أول المساندين كوطد اشتراكي خرجنا موقف نهار 26 وساندنا مساندة مشروطة، نعتبرو رواحنا شركاء مع السيد الرئيس في النضال على مستوى ميداني وهو كمل يرحم والديه ويعطيه الصحة الإجراء السياسي، مبعد فوجئنا أنو تفرد بالقرار وتفرد بالإجراءات وبالمواقف وهاذي عنا معاه فيها نقد وخلاف، أحنا مازلنا مساندين ونعملو على التصحيح ونعملو على أنو ما بيناتنا يكون ثانوي بالنسبة للمنظومة الأخرى عنا معاها خلاف رئيسي منظومة فساد وإفساد واغتيالات وتعامل مع الخارج، إذن لا نتعامل معها، لكن في إطار 25 جويلية عنا خلافات مع السيد الرئيس خاصة في الإجراءات التي اتخذها، مثلا هناك نوع من الإهمال للجانب الاقتصادي والاجتماعي وعدم التفاوض مع الأحزاب السياسية، وحتى على المستوى السياسي العام أحنا في بالنا بش نقطعو مع صندوق النقد الدولي ومع الإملاءات السابقة، إلى حد الآن مازالت الأمور غير كافية بالنسبة لنا، على هذا الأساس، أحنا نحبو نكونوا مساهمين ومشاركين مع الرئيس"...