وقال عبو:" اللي كتبتو صرخة فزع للتوانسة فيقو شوية، شنوة هذا، كل واحد يجي يكذب عليكم ويتعدى، مش أول واحد كذب عليكم قيس سعيد صحيح، قيس وصل لدرجة من المغالطة يلعب على الجهل المستشري في البلاد، شنوة اللي يقوللكم فيه كونوا توة يقاوم في الفساد، فساد شنوة؟، ويتآمروا عليه شنوة؟، بينك وبين الناس فما قانون الساعة، القانون هذايا كي تعطي تعليمات للقضاة هاو شنوة اللي قاعد يصير توة، أي قاضي تدخل قدامو في قضية سياسية غالبا سيظلمك إذا كنت بريئا، خاطرو بش يتطرد شكونو هالبطل اللي يقلك أنا ما نظلمش العباد، تاريخيا القضاء في تونس يحطك انت في السجن، ويحط 100 كيفك في السجن ويروح لدارو مريقل ويحافظ على سلطتو وعلى وهرتو وهيبتو استقرارو الاجتماعي، بعض القضاة اللي وقع عزلهم توة عايشين بكولاكت عاملينهولهم زملاؤهم القضاة، إذن كي تدخل لبيرو قاضي يقلك قضية سياسية أعرف روحك راك ماشي للحبس خاطر حتى كان ما عطاوشي تعليمات مباشرة راهو تعليمات عامة، يقلك فك عليا من المشاكل، والله هذا وضع القضاة، إلا من رحم ربي، من رحم ربي نحب نحييهم، خاطر في الجو هذا في تاريخ متاع قضاء أغلبو عبر تاريخو يطبق في التعليمات... خطير عاللخر الكلام هذا أخطر منو ما فماش، تونس مدمرة اليوم... القاضي التونسي اليوم كي تدخلو في ملف حساس فيه تعليمات وخاصة كان جات تعليمات من الرئيس بيدو كيما توة اللي وقفهم ما هو تطلعلو ديما طلعات في الليل هو برة جيبوهم توة، الطلعات هاذيا في اللخر قلما ويصعب جدا أن تجد قاضي يقوللهم لا، توة مساعد وكيل الجمهورية تبعثلو ملف فارغ وتقلو بالله أذنلي بالاحتفاظ يقلك مش نخدم عند السيد الوالد راهو أنا عرفك ويأذن بعدم الاحتفاظ، في تونس بالطبيعة مصيرو هو الطرد كان قال لا، إذن القاعدة اللي تعلمها، مالجيل اللي قبلو واللي قبلو وقبلو إلا من رحم ربي ونحيي كل من رحم ربي قبل الثورة وبعد الثورة، واللي هوما كعبتين الحقيقة، هاو بش تعرفوا قداش الـ10 سنين هذيا ما كانتش كافية لخلق مؤسسات، لا في الجيش لا في الأمن لا في القضاء، الكلها هكة اتبع كل واحد يخمم في مصيرو في رتبتو في ترقيتو ويحب يعمل تقاعد مريح ومريح عاللخر عاللخر، الوطن هوكا فرص كي نعملوا النشيد الوطني كي نحكيوا عليه ولا نهار الأحد ماتش كورة نتذكروه، هاذي تونس للأسف".
Address: Immeuble Louati 4e étage Lot 6.5.9
Les Jardins du Lac - Tunis - Tunisie
Tél: +216 70 016 020
E-Mail: contact@ifm.tn