علق مختار الخلفاوي كرونيكور برنامج في 90 دقيقة على إي أف أم، اليوم الجمعة 24 جوان 2022، على النقطة الصحفية لوزارة الداخلية، والعملية الإرهابية التي تم الإعلان عن إحباطها فجر اليوم.

وقال الخلفاوي:" خبر إحباط محاولة إرهابية اليوم الفجر والدعوة إلى النقطة الإعلامية تمت البارح، بمعنى موضوع النقطة الإعلامية ما كانش موجود فيه هذا الخبر اللي هو جاء متأخر... الحديث على بعض صفات الشخص اللي بادر بالعملية لولا وجود أعوان أمن قاموا بإيقافو قبل ما يمر إلى طعن بعض أعوان الأمن، يقلك كان في الحبس محكوم 17 عام مش في عملية إرهابية، يعني من قبل 2011، قد تكون في علاقة بعملية إرهابية وأنا نستبعدها لأنو جماعة 2005، الكلهم خرجوا بعد الثورة، إذا هذا تلقاه في قضية حق عام، وخرج بعد السجن، لاحظ الوحدات السجنية اللي هي وحدات سجون وإصلاح يدخل إنسان مجرم في حق عام يخرج متطرف متعصب ومشروع إرهابي وهذه نقطة مهمة جدا أن السجون متاعنا لا تصلح ولكنها تخرج ناس متعصبين متطرفين اللي هوما مشاريع إرهابيين"...