كشف معز الدبابي الأمين العام المساعد للأمانة العامة لقوات الأمن الداخلي اليوم الجمعة 6 ماي 2022، خلال حضوره في برنامج في 90 دقيقة على إي أف أم، أن الموارد البشرية للحماية المدنية تقدر بـ10 آلاف بين أعوان ميدانيين وإداريين، مما يساوي معدلا أقل من عون حماية لكل آلف ساكن.

وقال الدبابي:" بالنسبة للمعدات والتجهيزات، غالية برشا والإمكانيات الموجودة على ذمتها لا تفي بالحاجة سواء كان في الإسعاف أو التدخلات، الدولة ما استثمرتش في الحماية المدنية ما استثمرتش في حماية أرواح البشر والممتلكات... أنا نؤكد اللي الأعوان عاملين مجهود 200 في الميا، اللي عنا توة إذا ما تستغلوش التنظيمات هاذيا اللي نسميها تنظيمات إرهابية وإجرامية بش يشتتوا المجهود، اللي عنا توة يكفي لحماية الوطن والعباد".
وشدد ضيف برنامج في 90 دقيقة على أن مشروع حماية الوطن مشروع تشاركي، يتطلب انخراط المواطن التونسي البسيط في إطار حماية الوطن سواء كان بالتبليغ والإعلام عن كل مشتبه فيه، أو بالمراقبة أو بالمجهود، مثلما كان من المواطنين في سوق جارة الذين تدخلوا لمعاضدة مجهودات السيطرة على الحريق.
وقال الأمين العام المساعد للأمانة العامة لقوات الأمن الداخلي:"  يا ننخرطو الناس الكل ونحضروا رواحنا أما كان بش نعملو على جهاز الحماية المدنية وحدو مش بش يصير حتى شي".