اعتبر نبيل حجي القيادي في حزب التيار الديمقراطي اليوم الخميس 6 أكتوبر 2022، أن الغاية من شرط تقديم المترشحين للانتخابات التشريعية لـ400 تزكية معرفة بالإمضاء، هو تصعيب الترشح على المواطنين باستثناء فئتين أو ثلاث.

وقال حجي:" الأول اللي عندو فلوس نسمع فيكم الساعة اللولى بدا الميركاتو متاع التزكيات من نهارت اللي هبط القانون قلنا، ماهو هو يحب يحارب الفساد السياسي هو عمل نص أو شرط يشجع الفساد، وشفت قالو بين 70 و100 دينار التزكية ستنا تقرب 17 أكتوبر تاريخ إيداع الترشحات.. الثاني اللي عندو ماكينة وأساسا ماكينة إدارية، توة برشا كلام قاعد يتقال على رؤساء بلديات أنو يستعملو في نفوذهم حتى في البلدية بش يلزو الناس يزكيو وتقال هذا علنا قالو سي التليلي المنصري... إي سي التليلي والوالي والمعتمد والعمدة ما عندهمش نفس التأثير الإداري، إذا الماكينة اللي تنجم تلم التزكيات هي ماكينة الفلوس أو ماكينة السلطة أو الإدارة"...