كشف الرئيس الجديد للاتحاد التونسي للفلاحة والصيد البحري نور الدين بن عياد، خلال حضوره اليوم في برنامج في 90 دقيقة على إي أف أم، وجود عمليات تهريب للقمح والشعير ولقطيع الماشية التونسي إلى الجزائر، مشددا على أنه من غير المعقول ترك الشعب التونسي دون غذاء.

وقال بن عياد:" كنا نوردو في كميات هامة في أوكرانيا وروسيا، اليوم في هذه الظروف اللي خلت التعهدات الأوكرانية مع تونس وغير تونس، اليوم ولات القيمة الحقيقة للقمح والشعير التونسي لا بد بش نحافظو عليها ومانخلوهاش بش تخرج، يبدو فما انسياب لبعض الكميات إلى القطر الجزائري، في إطار التهريب والتجارة الموازية، ولكن اليوم مش معقول أحنا مخزونا 17 مليون قنطار بش نسيبوه ونوردو أكثر من 80 مليون قنطار مش معقول نخليو الشعب التونسي من غير غذاء... لا بد من الإشارة إلى أنو في غياب الحوار المتواصل مع وزير الفلاحة لمدة طويلة، طلبنا من رئيسة الحكومة وأعضاءها بش نتحاورو على مسائل مثل هاذي سواء الزراعات الكبرى ولا حتى الألبان اليوم القطيع متاعنا يهربوا فيه إلى الجزائر وهذا خطر، باعتبار الكلفة متاع الأعلاف باهظة وباهظة جدا، الدواجن اليوم في مشكل كبير وكبير جدا والاخوة المربين باتصال يومي بيهم البعض منهم باع والبعض في السجون والبعض اللي انتحر باعتبار المادة الأساسية للعلف باهظة وباهظة جدا، واليوم حتى كان موردي الأعلاف نزلو بشروط مجحفة على المربين متاعنا ناهيك إنو اللي بش تشريه بالحاضر واليوم لابد من تدخل الدولة والحكومة لحلحة القطاع"...